ليتك تركت القلب في برد الايام
ولاتركت القلب في حر جمره
عيشتني باوهام واوهام واوهام
قلب تركته عايم وسط بحره
وعيون قلبي ساهره دوم ماتنام
خوف وحيره تتعبه وعقب قهره
وقلب تزايد فيه همه والالام
هموم في قلبي مثل ثقل صخره
وانا بضل استحقرك حيل ما دام
ناوي حبيبي فراق قلبي وهجره
مابي انطعن بالصدر وبضهري سهام
ومابي اعيش وانطر من الغير غدره
وصبرت لك اعوام واعوام واعوام
لكن فؤادي مل من كثر صبره
واتبخرت من قلبي امال واحلام
كانت بقلبي واتجمع بسهره
ودام انت ماتسالني اشلون بنلام
يوم اني اعكس فيك نظره بنظره
بديت معاك الحب من غير الام
وقلبك يكابر يوم يغدر بفخره
الحب مثل الروح او مثل العظام
ماينجبر لو صار به بعض كسره
الحب وجد وبذل من عطف واحلام
الحب واحد ما تبدل بعصره
حكمك علي بفراقنا مثل الاعدام
تناثرت روحي على حرف سطره
ماجاك مني شي والظلم اوهام
ليلي طويل وانتظر فيه فجره
وانا بضل استحقرك حيل ما دام
تنوي فراقي وتكسر اليوم ظهره
مع تحياتي BERO_VIP
الأحد مايو 11, 2008 4:49 pm
